ظروف الحياه أبلغ من إحساسي ومعناي
فواتيرها في كل الأحوال مندفعه
صدمني زماني وأخلف ظنوني ودعواي
لا والله صفعني صفعةٍ عن مية صفعه
مصيبه ليا منّك بلشت بعقيم الرآي
ولا إحتلت ف إقناعه ولا إحتلت في دفعه
أبا آبيع ب أول سوم وين أنت يالشرّاي
الأصحاب واجد لكن القلّ ف النفعه
رفيقي عليّ محسوب ولّا على مخباي
عليّ وعلى مخباي يآمر يا (اخو رفعه)
سلامات يا وجه الحيا طحت من مبداي
وجيه الحقايق تالي الوقت منلفعه
ما دام الخطا وارد على ويش كثر عداي
عن الحيف جزنا .. والمشاريه مرتفعه
طريق المعزّه سيد ما فيه رايح جاي
وله وجهةٍ سيده .. لا نزله ولا رفعه
مبي شور ي أهل الشور خلوني بعمياي
عقب جاتني كور المقادير مندفعه
كلامي علي محسوب لكن على معناي
ومن ذمتي كل الفواتير مندفعه