غَرْبِل الله الحب واطباعه
أكْبَر البلوى مَعْ مْصيبه
إن بغى بِيِّيك فِيْ ساعه
مَا يبا لِهْ حَدٍّ آيّيبه
أوّلٍ يَبْديك بِصْداعه
يضرب القَلْب بْكلاليبه
يجعل العاجِل فِيْ لِضْياعه
لَوْ يصَلّي بآيهاذي بِهْ
لازِمٍ يَرِّثْ لِهْ نْزاعَه
بَيْن خِلَّانَه ومجاريبه
لَوْ نهُوه أصحَابْ ورباعه
ياخِذْ النِّصْح بتكَذّيبه
لَوْ يقول السَّمْع والطاعَه
فِيْ الورا ينزل لُم بخيبه
خايِفٍ مِنْ كَفْوَة شْراعه
اتْصَفِجْ بِهْ مَا لِهْ مثيبه
لِيْ ابتلَى بِهْ يكفِت ذراعه
كَانْ ميده مِنْ محابيبه
ينسعد إبْطيب ويراعه
لا يقصّر فِيْ مواجيبه