مستارج والجفن ما بات

مستارجٍ والجِفْن مَا باتْ

والرُوح فِيْ شِدَّه وتعذّيب

والنفْس فِيْ أكْبر بِلِيّات

باطن قليبي فِيْ تصَوّيب

باطن حشايَه فيه حَرَّات

نيران تِتْزايد لواهيب

عَيّيت مَا عالِجْ بْدُويات

مَا فادني دَخْتَر وحَسّيب

لَوْ عالجوني بكِلْ حَزَّات

أبْداً دواهم مُول ما ايّيب

كِثْر الدوا تلّفت لِمْيات

وكِثْر المحو عِيزَت مكاتيب

أوِنْ وآرَضِّف الوَنّات

عَلَيْك يَا سيّد المحابيب

يَا بُوْ عيانٍ سِمْر دِعْجات

والخد بَرْقٍ وِسْط لْمِغيب

عَنْ صاحبي مَا لِيْ مرَدّاتْ

عِنْدِهْ دوايَه يَا معازيب

يزورني لَوْ بالسلامات

ويِتْلاحقِنْيَه قَبِلْ لا اغيب

مَا مِنْ صديجٍ بِهْ مروّات

فِيْ حَزَّة الضيجات بيثيب

لَنّي دريك آعِد مِ الأموات

لِيْ شَاف حَالي لازم يشيب

أحيد وآحد بِهْ معزّات

هازِر وظَنّي فيه مَ يخيب

هُوْ الذخر عَنْ كِلّ حاجات

هُوْ بَنْدري فِيْ وِسْط لِغْبيب

قُمْ يَا حَمَدْ لِيْ سَوّ شيمات

إرْحَمْ وساعِفْ بالمواجيب

صلاة رَبِّيْ بالتحيّات

واعْدَادْ مَا تِيري مرازيب