سألوني إيش فيك ودمعك حزين
منهو زعلك وخلّاك بيننا باكي
قلت عشقٍ عشقته من سنين
خلّاني اليوم من فرقا الغرام شاكي
عطيته الحب مع نور العين
عطيته غرامي كلّه وحسبته راقي
ما ظنيت بعد كل الحب والحنين
يقدر يجيني ويطلب منّي فراقي
خلّاني أبكي على الحب للحين
وأنا اللّي جمّعت فيه كل أوراقي
أنتظر موتي بكل وقتٍ وحين
وحده الموت يداوي جرح أعماقي
كلمته يا ناس كانت مثل السكين
شقّت القلب وحرّقت أشواقي
كنت بغرامه طاير بنسمة رياحين
وأخبر النجوم بعشقي الباقي
ما حسبت إنه يذبحني ويستهين
بحب ملك قلبي وساكن أحداقي
حسبي الله على الحب اللعين
زلزل القلب وأشعل نار إحراقي
أبكي على حالي وحال الكثيرين
اللّي حرقتهم نار عشاق البواكي
سنين وأنا حاطّه فوق الجبين
تركني وخلّاني لروحي أحاكي
سؤالكم يا قوم حرّك وجع وأنين
وخلّى القلب ينزف مثل السواقي