أحرك بروحي لمن طر الصبح
والعيون تكول متروسه ملح
لا غمض جفني ولا نامت لي عين
والجرح مفتوح شيلمه الجرح
وين ذاك الكال لجروحك دوه
جرحي شراي الدواكم لو يصح
آني من كثر السوالف ايست
كل دقيقه يجيني واحد يقترح
هذه جرحي يسولف السانه الحزن
واني بحزاني عزف ناي وصدح
آني بلبل غرد أحزانه بقفص
ومن خلص تغريده بهمومه نذبح
آني بيك اتمرضت وانته دواي
ليش من احتاجك بوصلك تشح
آني ما لومك لمت بيك الكلب
شكد نصحته وما نفع بيه النصح
آني كلبي مشارك وياك وأظن
حصتك اكبر يبو شعر السرح
وش يظرك لو جدت وصلك علي
آني منتظرك عمر صار وألح
آني كاع بحاجه مر بيه مطر
آني صبخه وايست مني الفلح