عسنك بالجبيره اتطيح يفلان
وعسه ضيمي تشوفه بعينك ألوان
ولك ظالم حبيبك ينزف عليك
ولا جنك سبب كل هاي الحزان
متهني بحياتك عايش افراح
واتجوي بعذابك كلب إنسان
ما تهتم اذا تشكيلك الروح
ولا مر علبالك اني تعبان
تخسرني وحكك تندم بيوم
تفرك راحتك وتصيح غلطان
كلما أمنت واتوسمت بيك
ضحكت دنيتي ترجع كما كان
أريد اشكيك المن تيهت بيك
ضعت بحرك وسيع وماني ربان
موجك كسرت بيه المجاذيف
نخيتك شو كلبت الموج طوفان
اامن بيك ترجع تطعن اردود
ونشف بالجروح وانته زعلان
تمر بيه علساعه وتختفي اسنين
واني اركض وراك وكلبي فحطان
احبك لو ردتهه اتصير نوروز
احبك لو ردتهه اتصير بركان
اذا عندك معاني ألوضعك وياي
أنشدنك ألقصتي وياك عنوان