ضيعته الشباب ومن صدك ضاع
جن ماي وتبده بوسط صحره
وعيوني بدمعهه سنين وسنين
ما ناشف دمعهه وهسه حمره
اضحك لو حجتلي وكالت الناس
اصبر لو عليك أيام مره
لان مرة عليه سنين وعوام
متوسد الصبر وبأيدي جمره
لمن ضاع العمر من عندي ونباك
هسه ادور أكول أصبحت خبره
بس بعديش كلي شيجمع الراح
والماي الجنت بيدك تطشره
أتذكر كبل خلصته بالعوز
ومن خلص كبل يبست الشجرة
احنه السلمانه العوز للحيل
رك الحيل كلش يبو سمره