من كتلي شلك بالوطن؟
دمعاتي مني اطافرن
انته سألتني بلا كلب
واني منجاوب ممتحن
انه روحي وحياتي وضحكتي
كلهن عفتهن بالوطن
وتريد ما عيش بحزن؟
يا بلبل يحب القفص
يا بحر عاش بلا سفن
وتكلي شلك بالوطن؟
كلي بحياتك هم شفت؟
عاقل تعلق بالسجن
الغربة عندي اكبر سجن
لجمل بلد روحي تحن
كل شي بلدنه اشتاك اله
ومن اذكر الوادم اجن
اذكر صداقات الطفوله
وصاحبي المخلص حسن
أتذكر الشط والنخيل
واذكر أنوار المدن
أتذكر القرية الجميلة
ودهنة الحر واللبن
اذكر الدلة وروايح هيل
والهاون يرن
وتكلي شلك بالوطن
وتكلي شلك بالوطن