ارجاع فينا يا زمن
وردنا عا ربوع الماضي
شو جابك فينا لهون
بشع هون الكون
راح العمر وصرنا رماد
ما عاد في فرح
تحولت أيامنا لحداد
نسينا إشيا كتير
نسينا أشيا كتير ورانا
نسينا السما والارض وهوانا
زكريات المطر ولوحاته
خلف الشرفة ترك لمساته
رسم الشجر بلا ورق
شلعها الريح ومرق
بقلب العتم تخبى القمر
وهرب من غيمة لغيمة
وتلطى باليالي السهر
نسينا إشيا كتير
جمعة الاحبابب
كل ليلة يندق الباب
صوت الرعد ولمع البردق
وتردف مية المزراب
حكايات الأنس الطويلة
وألف ليلة وليلة
وأخبار الماضي الجميلة
لمت الجيران والعيلة
زكريات المطر
رياح وشجر
قصة شمعة عم تدوب
عم ترقص مع نسمات الهوا
ويرقص معها الشباك
بأول لحظة الغروب
ما كنا نعرف ضيم تعب
كنا نضحك لأي سبب
وين كنا ووين صرنا
كيف يا زمن؟
هالعمر علينا محسب
كانت ضحكاتنا بريئة
وقلوب صافية ورقيقة
نسينا... وصار العمر كله قهر
وعم نتمنى ترجع كل دقيقة.