يا ما بذرنا الطيب في رأي الطيب
وفي جاحد المعروف يا ما بذرنا
ولا عندنا للي جحدنا مطاليب
قد جاه من جوداتنا ما عذرنا
يا ما غدينا له قصور ومعازيب
وبظلالنا يا ما عليه انكسرنا
نشبّ ضارين(ن) على الطيب ونشيب
متجملين ولا الجميل يعسرنا
ولي وردنا صافيات المشاريب
في جمة الماء ما رمينا حجرنا
وان طاحت الهقوات مثل المشاهيب
حنا مثل ولْد الكحيلة طمرنا
أما سرحنا وانتشعَّى المظاريب
ولا سرينا تحت غرة قمرنا
واليا بدا للازم فلا يمكن نغيب
ونجمل اللي ما حضر لي حضرنا
عسى سبايل لحيتة للعراجيب
اللي قصر عنا وحن ما قصرنا
واليوم قد لاوراق تحتاج ترتيب
عقب العلاقات الكثير أختصرنا
بدر الوفا في النذل ينبت عذاريب
لا يا خسارة بذرنا اللي بذرنا