قالوا حن الرعد قلت الرعد ما حن
ما ذا بصوت الرعد؛ ذا صوت جداني
قالوا سرى البرق قلت الظن غير الظن
ما ذا برقًا سرى ذي ضو جداني
قالوا مطر من سما دير الخيال اذهن
قلت المطر وين هو ذا دمع جداني
جداني اللي بهم وادي غويج اشجن
وهم اشجنوا به ففاضت معهم أشجاني
جداني اللي لهم من فوقنا مسكن
على متون السماء في العالم الثاني.
في عالمن لا تخاف أهله ولا تحزن
الا الغطاريف من يام وهمداني.
تخاف وادي غويج خلافها يغبن
وتحزن لفرقا وطنها عز لوطاني
فلا تلومنها لو ساقت المضعن
وعادت للجنه لنجران جداني