طير يا طير وسط الرياح
م المسا لما الصباح
اغزل الأحزان شموع
واوعى ترجع للدموع
كل خطوة ف الرجوع
فيها ذكرى للجراح
روح بعيد وبلاش معاندة
النجوم ف سمانا شاهدة
لما كانت جوه قلبى
ابتدت هى المنهدة
قصدها تملكنى دايما
وتحاصرنى جوه وردة
طير وعافر بالجناح
لسه فيه للكون براح
ليه بتستنى الصباح
شمسها راح تيجى بارده
طير ياطير وسط الليالى
مانت عارف ايه جرالى
اوعى ترجع للطريق
مهما تلمح شئ خيالى
لسه ف عيونى وملامحك
جرح صاحى هو جرحك
مهما حاولت يوم تصالحك
اوعى ترجع للنواح
كل خطوة ف الرجوع
فيها ذكرى للجراح