أببعد عنّك لديارٍ بعيده
أبرحل واترك الديره لاهلها
أبنسى وأبتدي صفحة جديده
وأصلّح حالتي وأرفع خللها
عنيد وقمت اصارع لي عنيده
ابي ترضى وهي يكثر زعلها
زرعت الزرع ما نلت الحصيده
تموت بساع ما يطلع سبلها
تعبت ولا وصلت اللي اريده
ومات بداخل عيوني أملها
تدور براسي أحلامٍ سعيده
وطيفك لا تذكرته غسلها
أبرحل وأترك الحال الزهيده
وأبدل بالوعر واسع سهلها
يعاف السوق من يخسر رصيده
ويترك ديرته من عاف اهلها