اضحك لدنياك لا تبقى عبوس

اضحك لدنياك لا تبقى عبوس

بس دون إسراف في ضحكك لها

وأحترس منها ترى ماهي عروس

تنخطب لك لا بدى حبك لها

يا كثر ما تختلف فيها الطقوس

ما حدا يقدر يحدد شكلها

ولا تخلي كل همك بالفلوس

يسفهك عند الملا لهفك لها

ولا تجي مثل الحنوك بلا ضروس

من رداها زادها يعلك لها

أجعل الهمة سهم والنفس قوس

للمعالي شدها وأمسك لها

ولا يبلغك المراجل حب رووس

أرتفع بالنفس عن قتلك لها

لا تغامر بالأمور إلا تسوس

بالسياسة والعقل تكتك لها

ولا تصير بساعة الشدة نسوس

الثقيلة صر جمل وابرك لها

وأحذر الحساد وضعاف النفوس

والعداء لا ينكشف سرك لها

وأبتعد عن كل نماماً بلوس

ماكل لحوماً وهي حرم أكلها

والمرة ترى هي سبب حرب البسوس

ودها أنك يالرجل كلك لها

ما يصدق كيدها غير الهدوس

مير حذرى ينحني راسك لها

أقلع الضرس اللذي به عرق سوس

طب كل مشاظبه قلعك لها

خذ رزينة تازن الراي وتقوس

ما تخالف طاعتك وأمرك لها

وراقب الله بالقيام وبالجلوس

له حقوقاً يغضبة تركك لها

لا تجي له يابساً حالك يبوس

القيامة وش بقي عندك لها

يالبنادم خذ من الدنيا درووس

والنصايح ينفعك حفظك لها

وكان نفسك تشتهي كثر التعوس

فالممات من الحياة أبرك لها