جرحي برى يا مطفّي النار بالنار
شمسك بعيني باديه للمغيبِ
عالجت نفسي بين تطمين وإصرار
وأنا أحمد الله طاب جرحٍ عطيبِ
حبي لشخصك ما تصوّر ولا صار
حبٍ مع العشاق شكله عجيبِ
وافي بحبك ما على حبي غبار
ومع الأسف ما فاد وياك نصيبي
حبٍ بليّا ساس ملزوم ينهار
يبدا غريب وفي النهاية غريبِ
أول تقول إنك تحدّيت الأقدار
ترجع تقول اليوم قصّر نصيبي
راعي الهوى لى عاف ما يقبل أعذار
ما عندي لك محتاج ما انتَ حبيبي