أنا محتار كيف أهديك معنى فالشعر ينساب
وتغنيك المعاني وانت ي المجمول فارقها
ومثلك من يميز للعسل ويعرف سم الداب
قبل ينحت جلاميد الصخر شاعرك يوثقها
ولكن شرهة الغالي محبه لو يطول اعتاب
بعد طال الفراق احروف شوقي جيت سايقها
بعد كنت النهار الي ضوت شمسك غرام أحباب
هوت في مغرب الدنيا شموسك بعد مشرقها
تعال وجاوب أشواقي قبل يشره عليك الباب
ترى ما يبهج أبواب المشاعر غير طارقها
قبل تطعن سكاكين الهجر في قلبي المنصاب
ويفج الدم باضلوعي بعد غيبتك زارقها
قبل لا تعزل البسمة ورى ستر الحزن بحجاب
وترسل عيني الدمعة على الفرقا وتزهقها
قبل لا تترك المغرم يعاني بين سن وناب
وتقضي رحلة الدنيا حياته في مفارقها
قبل تنشف لهاتي قمت أنادي لك وأنا مرتاب
أخاف العمر ما ياخذ من الفرحة دقايقها
كتبت الحرف بدموعي بعد ما غابو الغياب
رثيت المزنة الي غاب في مضماي بارقها