لساكي عايشه ف البكا
لساكي بتدفي خدودي
ببتديكي سطر ينهي
الف قصه عمر فاتت
بكره اللي حلمه كان كافيني
بعدك انت طيوره ماتت
انت فجر وطيفه عدي
شاور لقلبي لقيته ساكت
طفلك المجنون بحبك
الكام سنه اللي ف عمره شابت
الف كلمه ف جوفه تحكي
وبعدك انت اماله خابت
بحكي عنك مع زكرياتي
واللي كاسرني بيقولوا كانت
لسه شايفك بس خايف اندهك
لتكون سنيننا غيرتني
تلاقي صورتي اتغيرت واسمك
معادش هو اسمي
خايف اجر ف الكلام
القاني لسه بقول بحبك
او ياخدني الهيام
تعرفيني تقولي ابني
تحضنيني وغصب عني تلاقيني باكي
وافتكر عمري اللي عدي
اللي عمره كان معاكي
وفوق دا كله
اخاف اسالك شكله ايه يامي فراقي؟
تبكي مني وساعتها هندم اني حكيت معاكي