والمعني طفل
بيمص صدر الكلام
والنبض صخر
بيشتكي منه الحنان
وازاي انام
والراحه ليل مغمي
اجدعها مكان
وانا بالقوي افتح عيوني
علي حلم مرخي
ع المسحيل
لو شد حيله الوهم
يخلقله البديل
راح اموت كبير
مش طبعي حاجه تهزني
بس بُعدك سيف وعلم
شقني نصين
نصيبك النص الكبير
انت فاكره
لما كنتي جنب مني
حلم اكبر م الكلام
كنت اخبي شوقي
عن قلبي اللي حبك
احسن يغير
كنت اكمل كل حاجه
بذكر اسمك والبسمله
واحلف بحقك والدفا
اني اسير
كنت بترجي الملامح
فاكرني فالح هعدي بيكي
لحد يصعب علي حد غيري
بمليون دليل
فاكره صوتي ولهفتي
وحكايه اللي فيها بهتت
كل حاجه الا البنفسج
اللي ف فستانك
والعبير
كنت زي طفل عاشق للبكا
احط راسي علي صدرك
ولا عمري اتكسف
من دمعي مانا ببكي كتير
ملعون يالليل ياصبح كداب
جرس الطلقه
ضرب والسهره مش صباحي
والليل بيفرد عضلاته
والقطر البارد جاي بدري
مواعدني ياخر مش عارف
علي اخر نفس جاي يجري
بيجر يجر ف عجلاته