قصه سهله ولون خيالي
اهزم الشكل المثالي
كمل المعني الحقيقي
بالمكعب اللي باقي
واختلف عني وطريقي
حن للموجه البعيده
واحقن الهم ف وريدي
اسرق الصبر المعتق
بالحروف جوا القصيده
واما صوت الصح يعلي
قوله عادي
ثور وكسر من يعاند؟
ومين يعادي؟
الحب فكره
انت عارف
لما كان يدق قلبي
عمري ابدا ماكنت افكر
مين اللي بادي
وان مجد الروح شموخها
مكنش ابدا حلمي
عالي
كنت سهل ف المبادئ
والضروره تختلف
مانيش بخيل
عهدي يشهد مهما بصرف
م الحنان واستلف
باقي اصيل
امد ايدي جوا مني
اتلسع م الدفا
اللي قايده لجل ترضي
احتمل صوت المهانه
اللي ف عيونك
وحجتي حاله عارضه
حاله عارضه؟؟
حاله كافره
حاله بارده
حاله تشهد بالتوتر والضنا
مشهد تاريخي
وكلهم ابطال
حتي اسم المسرحيه
لتاني مره يموت حمار
والجماهير العريضه
دموع عفيه وكيس فشار
كل حاجه وليها معني
ولما تجي للنهايه
ف الكالوس زر اعمي
قبل ما تبان الحقيقه
بتتطفي الانوار