يارب ادم لي منك عزمي وعوني
على الحياة وحاجتن بين الاقواس
استغفرك عن كل سيء ظنوني
واعوذبك من كل وسواس خناس
عن المكان اللي هله ضايقوني
سريت مليانً من الحلم هالراس
مدام نيتهم كذا يزعلوني
ماهو ضروري دايم آكون حساس
لله درّي يوم اعامل طعوني
على انها اكثر حاجه تقوي الباس
صيده لحقها كل قاصي ودوني
ماهو وراها كافخً كل قرناس
لملمت نفسي قلت اغمّض عيوني
واسدل على الحاضر ستارً من نعاس
ميّلت راسي لين حسّت متوني
ان الحمل من فوقها اكبر من الراس
ولاودي افتح شاشتك يآ ايفوني
خوف المح من الذكريات اي عسّاس
من غاب؟ باقي له غلاي وشجوني
ان جا لقاهن وان قسى حتى انا قاس
يا صادق اقداري وقاسي طعوني
واحساسي اللي غير عن كل الاحساس
شاورت فيك الناس لكن نهوني
وشاورت قلبي؟ قال لاتشاور الناس .