انرسم وجهك طريق وسقت عمري
في رضا قلبن تغاربت انقياده
اذكر انه مايحب الحبّ ل انه
خايفً من سطوته ومْن اضطهاده
كان قاسي لين صار آرقّ والين
من هذيك القطنه اللي بالوساده
يحسب ان الحب ماله غير معنى
الطريق اللي يؤدي للسعاده
ووالله اني لين هذا اليوم مدري
حبي اللي بك زرعته وش حصاده؟
عرشك اللي في خفوقي عنه دافع
كان ماترضى حد يمسّ السياده
ياسيادة هاجس الشاعر وفكره
طوقّيني مثل في عنقك قلاده
يافضاي الرحب يوم السبع اراضي
ضيّقت بالمجتهد درب اجتهاده
فارس احلامك على درب التلاقي
كل هالدنيا تبي كبوة جواده
بيننا جسر الوصال الروحي ابقى
لوّ انا بالصين وانتي بالكراده
خير من طيش يخلّينا عرايا
عند من يبغى لنا فضح ونكاده
عارفه وانا اعرف والكل عارف
والله القاضي وهذا ما أراده
الله اللي ب امره آحسك بصدري
طهرً يشابه طمئنية عباده
وانا ابن آدم وأنتي بنت حوا
جنس له قصة طويله بالقراده
مايحس بقيمة الاشيا الثمينه
لين يفقدها ويقتله افتقاده
لافقدتك، جعل ماانتي تفقديني
لو فقد جرحي حضورك ياضماده
ودي اتمادى معك مثل التمادي
بين قمرا البدر والليل وسواده
كمّلوا رغم النقيض اللي جمعهم
سقف تستمع عيوني بامتداده
مثل وجهك لاحضر في عين قلبي
كل ماسويت للذكرى استعاده؟
اكره اشيا فيك لكني أحبك
كل يوم بعنفوان ولا إراده