تمرّ بعين ذاكرتي وجيه كثار وانت القاك
على كثر المرور بعين هذي الذاكره: غايب
يطاردني شبح ماضيك وين ابعد واروح هناك
ادور حاضرك والقى خفوقي كارهً طايب
وانا هاك العنيد اللي كسرتيه وحلف ينساك!
بليله.. كبّر الهقوات فيها وانتكس خايب
خطاك؟ انك خطيّه واكبر اخطائي؟ مااشوف اخطاك
لو انك تخطي امسح هالخطا واعتبرك الصايب
أحبك __ لو تكابرت اعترافي وانت يا لولاك
سفر ماجيت لك رحلة ذهاب ولاني بْ آيب
أخذت بجيّتي لك كل حاجه تستحقّ رضاك
وجيتك في رضاي ولا تخاسرت الذي جايب
حشاك ان الجحود يْكون طبعك وقتها .. حاشاك
إذا اني كل ماخلفي عشانك جيت له سايب
أبشعل في عتيم غيابنا شمعات من لقياك
تعال اصدق من اثبات اليقين لواحداً رايب
عساني للثبات اليا التقت يمناي في يمناك
مع اني مااتوقع تلتقي يا القادر الهايب
تمرّ وجيه خلق الله .. وادور وجهك وْ ماالقاك
سوى ذنبٍ كتبه الله عليّ ولاني ب تايب