هذي سنه مرت على عدة اجيال
منهم انا وانتي وكنّا نبآهي
فيها .. بحبًّ كانت اقواله افعال
دلّت عليه وكلّنا فيه لاهي
يا وردةً في ضلها كان مقيال
عن شمس عمر ومغريات وملآهي
بديت احبك يوم انا وانتي اطفال
ليت السنين موقّفه مثل ماهي
قبل القدر من شجرة العمر يغتال
خضر الخصون وتسمع العالم آهي
حتى كبرت وقال الاستاذ ياابطال
"عنوان درس اليوم باب النواهي"
صرتي من اللي دين ربي عنه قال
لاتقربوها .. قلت لبّيك الآهي
حصة فقه في ذمتي مالها فال
مابين قول الله وقول الرواهي
لبستك امك طرحه وبرقع وشال
وانا لبست ثياب الاحزان ( كاهي )
غطيت وجهً كان يضويني ليال
دافعت عنه بماء وجهي وجاهي
في مجتمع يتفنن بزرع الاغلال
على طريق العاشقين بتبآهي
ماكنت معك آضيق من بعض الاشكال
لو البساس احيان تاكل دواهي
كل عام وانتي سالفه داخل البال
والقلب ماهو عنك لو يوم ساهي
وكل عام وانتي شعر يقرا وينقال
صوت وصدى في روحي وفي شفآهي
وكل عام احبك وانتظر منك مرسال
على ارصفة عمر وزوآيا مقاهي .