علي فكرة

علي فكرة ...

نجود دي قصيده

بتريدني شديد

وانا زاتي بريده

نجود زي نسمه

تداعب البال

بالشوق والبسمة

نجود زي غيمه

تديها حنان

تملاك عزيمه

نجود دي منو !؟

نجود الفكرة

أمل الحاضر

وأفراحنا البُكره

نجود يااااا خِله

بالجد تتراد

والريد من الله

نجود ما بتعكر

نجود دغريه

صافية نيه

ونضمها سكر

نجود العِفه

حاشاها الخِفه

الناس في كوم

وبراها بي كفه

نجود الكيف

البن والشاي

الضل والقيف

نجود الشوق

الحس والذوق

في الغاليه نجود

ح يطول السرد

علي فكرة ...!!؟

بتعرفوا الورد ..

وطعم الشهد ..

بس دي نجود