أحب النيل الابيض زاتها
فيها الناس الحلوه صفاتها
كلي بريدك يا ولاية السكر
كيف ما أريدك وريدك أسكر
يا نيل يا حب والله بالاكتر
ولاية السكر كم هي جميله
متع نظرك يوم بي نيله
فيها جنان الوارفه ظليله
ولاية فريده وحلوه صفاتا
عبر الازمان زايده غلاتا
وكل الزاره ما أظن فاتا
فيها طبيعه كمان جذابه
فيها صناعه وكم من غابه
وغيها الخضره الجد خلابه
فيها خلاوي الشيخ كَرَكَاب
فيها الدار الطابعة كتاب
فيها العز موصول انساب
فيها الناس عايشين بسلام
الناس الضاحكة وباسمه دوام
هم ناس في الحوبه تكون قدام
النيل الابيض ناسو فريده
وطن في ولايه فضايلو عديده
والنيل الابيض جد بنريده