بنات أبتكارأفكار فكري تجيك أبكار
رفيعت مقام وعذبتن غيد جذابه
بديت القصيد بذكر رب الملاء الجبار
ولا خاب من ذكر الله الحق يبدابه
عليه أتكلنا هو عليم أبخفى الاسرار
عليم ابخفى الانسان في داخل البابه
عن أمره أبكاف ونون شئون الحياة يدار
ويعلم أسرارالكون واللي تخفابه
رجائي وملاذي،خالقي ربي الغفار
وحبيبي نبين مرسله يحمل، كتابه
ومن بعد ذكره وين أحصل لي أستفسار
عن ألطيب اللي في السفر طول غيابه
عن الطيب الغايب عساها تجي الاخبار
خبرها يسر قلوبنا وانتسلابه
وتفرج عن اللي ضايق خلقه ومحتار
ويسعد بهااللي متعب همه،أعصابه
له شهور لآ جاءالليل بركان همه ثار
تقول ان خفوقه صالي النار يصلابه
تهب الطواري في خفوقه مثل الاعصار
ولا حصل اللي من صلفها، يتذرابه
عليه الطواري كل ساعه تجي زوار
تسير عليه وكنها من حدى أقرابه
من اربع جهات الكون سوت عليه أحصار
وجميع المنافذ كلا منفذ أبوابه
لكن القصيد الى نخيته فزع مابار
وبيتن يقصر لازهم بقطع أطنابه
أن كان النوادر ماتجي مثل الامهار
الى أحتجتها والا الشعر ويش يبغابه
مادام الفرايد في الضمير لها مضمار
بجرد حسام الموهبه واقضب أنصابه
لامن أنتضئته من جفيره علي تندار
لعوب الخيال اللي للفكار لعابه
بنات أبتكار أفكار فكري:تجيك أبكار
رفيعت مقام وعذبتن غيد جذابه
لها هيبتن لا سمعت صوتها اشعار
تدور رضاك وغيرك أتدور أغضابه
عشيقت فروع المجد ولهاالشرف والكار
وتلبس لك المدح بشته وجلبابه
لها الصدق ثوب أبيض ماعليه أزرار
ومن حقها تفخربلبسه وتزهابه
تطوف أبخيال ما تريح عن الافكار
الى ناموا السالين فالليل يسرابه
من أنتاج فكر مابقى من وراه أسرار
يكون الوفى والصدق والفين رحابه
يرحب أبحر غيبته وحشتن لدار
عسالله يونس وحشت الدار بايابه
كبار المصايب في عيونه تصير أصغار
ملاذالدريك ان عضه الوقت بنيابه
كرمه الذي حط المصايب عليه أتغار
وحسده الزمان وصار يكثر تقلابه
تحمل على نفسه بعزم وقو الاصرار
عسى الله يرده سالمويسعد أصحابه
بحق الرسول المصطفى والصحب الابرار
بدعوة أنسان زار بيتك وصلابه
دعالك لحيث لك حقوق عليه كبار
ومن يفعل النوماس ملزوم يجزابه
صديق صدوق ولك معزه ولك مقدار
وراع الوفى دايم وفاه يتعلابه
وروس المعالي دايم مسكن الاحرار
تخلي الطمان وعالي المجد ترقابه
وانا خابرك حر يفاخربك الصقار
لامنه أطلقه يدمي من الصيد مخلابه
أقوله وطيبك واضح ماعليه غبار
رجل الوفى والعز قبلي تغنابه
ولكن الرجال رجال والله خلقه أطوار
رجالآ لكن فالطيب ماهيب تتشابه
وأناعارف أنك يمين والا الرخوم يسار
ودرب الوفى منت أبتخافه ولاتهابه
الا..ياحكيم الشور لا شحت ألآشوار
الا.. يافخر من حطك ألراسه أعصابه
حكيم،تروض حكمته غادي ألابصار
لبيب وأديب،ومحنك،فاهم،نابه
عديم السجايا وأفي الجود والاشبار
لامنه أعتزاءمايعطي الحق طلابه
عطيب الظرايب سلت مهند بتار
يفاخر ويرفع هامته من تعزوابه
صديقي وربحي راس مالي مع التجار
أفاخربه الى فاخر النذل بحسابه
صداقت شرف تبنى على عز وأفتخار
لاصار ان صديقي يرفع الراس بأدابه
من هذا صديقه ماغبط راعي المليار
ولا ينشد الكساب ويش كثر مكسابه
صداقت شريف النفس يبقالها تذكار
مادامة صحاري نجد في نجد وهضابه
على العز والآخلاص مأساسهابينهار
كلامالمصالح ماتسيس وتبنابه
صديقي..قصيدي عند أمدحك يصير أقصار
وعريب المعاني صار مدحك هوأعرابه
تفضل وخذها المترفه تجذب الانظار
تسوق الخطاويلطموحات وثابه
نظمت:الذهب واللماس والولو والمحار
على جيدها،ماهوب لجل تحلابه
علشان مال عيارها غيرك أنت عيار
رفيعت مقام عن أهل النقد هيابه
ثقيلة مرازماتهز هزمع أتيار
ولا أحد،،سواك أتجيه ولا تهقوابه
لكن ان كبار المدح عندك تصير صغار
مادامسنام المجد تحتل محرابه
أقولها وانااللي يجلب العطر للعطار
بسوقكجزيله يزهد بعين جلابه
بغيت أتعذر وانت ماتقنعك لاعذار
والاعذار عند معرب الجد كذابه
تمنيت أزورك..الوفي الكريم أيزار
ولكن ان ظروفي يابيض الوجه غلابه
لكن أرتجيك العذرجعلك تعود أمجار
من القلب دعواتمسلم جعلها مجابه
عسى الله يجيرك ياملاذ الخوي والجار
يجيرك كريمفاتح لدعىبابه
يعافيك رب رحمته تسقي الاشجار
بالامطاربامره من مراويح سحابه
عظيم الجلال اللي حمى المصطفى بالغار
من المشركين قريش ما داسوا أترابه
توكل على الله دام وقتك ملي أخطار
ترى الناس منه يابيض الوجه مرتابه
وعليه المنايا ماتقدم لاهلها أنذار
ومن بأغتت ماهيب تقدر تجنابه
وفيها المكاسب يارفيع المقامأصفار
ولا أحد يميز بين سلبه من ايجابه
ولكن تحل الصبر وخذهعليك أيزار
ترى الكيس:اللي فصل أبصبره ثيابه
وختمة القصيد بذكر من حدد الاعمار
هو الخالقاللي خافي أعباده أدرابه
نساله يجيرأبواننامن لهيب النار
عليناالدعاء والله جديربالاجابه