عندي ظروف وصاحبي عنده ظروف
والكل منى عاجز في ظروفه
المشكل أني مغرمن فيه مكلوف
وايضآ بعد هو شاف مني كلوفه
أشتاقله وأخاف من نضرته خوف
لأسل من نضرة عيونه سيوفه
لأسل سيفه ثم ضربني على الجوف
ضربت غريمن مآب قلبه مروفه
لا غاب عني صرت بالحيل ملهوف
دنياي عقبه ما عليها حسوفه
أخاف يصدف له من الوقت صادوف
ويصير لا من راح ما عاد أشوفه
ما كني ألغيره من العالم أشوف
غروآ ملكني بالحلا ومعروفه
اللي عن البيض الغنادير به نوف
عليه نفسي هايمه ومعسوفه
أليا ذكرته كن في القلب عاصوف
عاصوف لأمن سج مده يلوفه