جريح الوقت والأيام وحزني باين بعيني
أنا مقدر أوضح لك شعوري وكل إحساسي
مدام الحظ قد قصر في أول وآخر سنيني
ونهاية حبي الضايع شربته في الم كاسي
وحيد ودنيتي غربه لهيب الشوق يكويني
تعال ولملم أشتاتي ولو باقي من أنفاسي
ترى شوفك منى عمري وغيرك ما يسليني
معاك أنسى أنا نفسي ولو إن الجفا قاسي
تعبت وطالة المدة وصمتك حيل يشقيني
تراني في رجا وصلك فلا تقطع أمل ياسي
أبي شمسك علي تشرق حبيبي لا تخليني
أعيش العمر في ذكراك أحبك يا بعد راسي