الردي لا تركني مازعجني رحيله
يحسبني حزينٍ وانا مرتاح بالي
لو سعى بالنميمه عنده اسهل وسيله
الهوا مايهز اهل الشموخ العوالي
ومن رضى بالمهونه مايخاف الفشيله
دام صارت حياته ماتساوي ريالي
اعشق القرم دايم فوق راس الطويله
سعد من هو طراته حي فالك وفالي
راعي الطيب يبقى فعله دايم دليله
مايخيب ظنونك بالسنين التوالي
كم رجل ٍ بعيني يسوي عندي قبيله
خوته نشتريها لو هي بالحيل غالي
والوفا دوم طبعي هي صفات ٍ أصيله
ما اخون الصداقه دامها راس مالي
ابدع القاف شعري بالمعاني الجزيله
تطرب اللي سمعها وافيه بالكمالي