على دروب الصمت جيتك أعاني
في نفسي الآهات تحكي قصيدة
جيتك أدور من بقايا حناني
حصلت أنا دونك مسافة بعيدة
جيتك أحسبك يا حبيبي مواني
تلعبي أمواج الظروف العنيدة
في رحلة الأيام اشكي زماني
في صفحة الآمال غربة زهيدة
والدمع في عيني يترجم معاني
يصوٌر الفرقا معالم شهيدة
إذا بغيت البوح قلبي نهاني
وإذا لزمت الصمت هجرك يزيده
عنك جبرني الوقت منك خذاني
ما عشت أنا وياك لحظه سعيدة
لا عاده الله حب ويٌا الأماني
ما عاد منٌه شي باقي يعيده