القمر والنجمة ودرب سريته ليل
خذاني الهاجوس وبيح له أسراري
ابدع جزيل الشعر وحلو التماثيل
اخترتها من ذوق قلبي لها طاري
اذكر زمان فات وذيك المداهيل
وربع حشاما افتخرهم واماري
هم ذخري اللي بالسنين المقابيل
في ضامري لهم معزه ومقداري
أهل الوفا والجود ذباحة الحيل
كل المعاني يشهد الله تحتاري
يا الله عسى عمر النشاما دوم يطيل
طالبك أنا يا الله يالحي يا الباري
يفداهم اللي ينقل الهرج والقيل
اللي في قلبه يشعل الحقد والناري
ومن رافق الطيب يشوف تساهيل
وأنا على خوة هل الطيب أنا شاري
درب المراجل صعب يبقى حلايل
كم واحدن بالناس قدم له اعذاري
وصلاة ربي للنبي عد ما قيل
عد النجوم وعداد رمل الصحاري