شدني قولٍ سمعته من فطين
بو على المنعور والذرب العصامي
الحريصي لي اعرفه من سنين
غاليٍ قدره واعده لي حزامي
من تفكر فالوقت يلقى اليقين
يعرف يميز حلالٍ من حرامي
والبشر أنواع مب متساوين
فيهم الخيرين ويا كثر اللئامي
يا كثرهم فالفرح مجمعين
و فالمجالس عند تقديم الطعامي
منهم اللي جامعٍ دنيا ودين
وان بدالك لازم ٍ حرٍ قطامي
اخو جمب وللزمن درعٍ حصين
مثل شخصه نفتخر به عالدوامي
ومنهم اللي لا يثيب ولا يعين
خاملٍ ذكره ولا يقضي مهامي
ومنهم اللي خاقيٍ حقدٍ دفين
لا يراعي صحبه ولا له ذمامي
يعل مثله ما يكون لنا خدين
نرتقي عنه ونبعد فالمشامي
وهذي الدنيا تراها من سنين
والرجال انواع ما تبغي كلامي
والسموحه وانت سيد العارفين
واقبل الابيات مع كل احترامي