القصيد احيان يبغيله سبب
خص جانه والمه جو ومكان
وإن لفى مالغرب نسناسٍ وهب
ترجم الشاعر احاسيسه اْبيان
يا سلام الله على طيب رجب
حاكم الاتراك من نسل اردوغان
لو انا وياه في حرب ونشب
اتبع السنه وهو ويا لّخواَن
الخطاب وياه فحدود الأدب
واختلاف الراي لا يعني الهوان
دار طيب يا عرب والله عجب
تسلب الأنظار وتحيِّر اذهان
لا تحاتي فأرضها ايه رعب
هاديه واجوائها امن وامان
المسايد والكنايس والقبب
تسمع الناقوس فيها والأذان
الأكل فيها منوع والشرب
وكل صحنٍ فيه من عده الوان
وضيفهم يسعون حقه بما وجب
تسمع الترحيب وقدره لا يهان
وجوله البسفور تنسيك التعب
خذ على قولي مواثيق وضمان
والرئاسه رزق والله الِّلي وهب
تركيا للريس الشهم اردوغان
والقصيد احيان يبغيله سبب
خص جانه والمه جو ومكان
الله يجمع شملنا مع من نحب
ولا يفرّقنا على طول الزمان