سميت باسم اللي عليه التوافيق
لي مخرجٍ من بطن نحله رحيقي
سبحانه المنشى زهور وزماليق
مرسل محمد بالحجاج الطليقي
دعا لدين الله وأدى المواثيق
من ارض مكه لين وادي العقيقي
ويا مرحبا با بيات ماهن ملافيق
من شاعرٍ شامخ يضاهي طويقي
شاعر هلالي من سلايل مطاليق
ذب الخريمه وجاب قافٍ عريقي
واشتاق عمي لبدع هاي الطواريق
وابيوته اللي للنشامى تليقي
واختارني من زد كل المخاليق
يحيد نجمي للشعر له بريقي
يطلب نجاريها بحنكه وتنسيق
والشعر يبغيله ممارس رشيقي
يجني من ثمار الغصون المواريق
ويجنب الهايف وهشر الوسيقي
وخيول فكري حاضره ولك مدانيق
يسوسهن خيال وبهن حذيقي
ويا ماحلى المسراح مع فكه الريق
بعيد عن جو الصخب والفريقي
بخوه ميامينٍ حشامٍ مصاديق
ياللي خواطرهم ابد ما تضيقي
قلوبهم مقفولهٍ كالصناديق
والسد في بيرٍ عميق وسحيقي
في روض ممطورٍ وزهره تفانيق
إزفر بها همك وخذلك شهيقي
ونارٌ سناها مثل شمس المشاريق
قوه وهجها تمنعك لا تويقي
ودلال وقدورٍ عليها مطابيق
اغنم زمانك والمشاغل ملاحيق
وريح ضميرك بو علي لا تضيقي
واسمحلنا فيما حوته المناطيق
واغفر لنا يا رب مالا نطيقي