فاثنين ديسمبر ومن كل عام
يو نعده غير في الأيام
يوم إتحاد الدوله المبروكه
تحت قياده زايد المقدام
وحد قبايلها ولملم صفها
يسهر عليها وعين شعبه تنام
بذل عليها كل غالي عنده
وارخص لها المهجه معا الانسام
لين اصبحت بين الدول اسطوره
دوله وفيها نحقق الأحلام
وكمل خليفه ما بدا به زايد
النهج واحد والهدف قدام
الله يرحم من ترجل منهم
من ساير القاده ومالحكام
واليوم عهد النهضه العصريه
ياللي لها محمد رمز وأمام
للعلم مشعل نقتدي في نوره
يجلي سواد حالكٍ وكتام
نتبع خطأه ولا قصرنا دونه
ونرد عنه مقرضين لآم
من رادنا بالسلم اهلا وسهلا
إكرام ونوفي قدر لحشام
ومن يخلف النيه لزوم يلاقي
وجهٍ عبوسٍ كالحٍ وحسام
كتب لج يا دار ومهما اكتب
ما اظن يوفيلج حبر لقلام
لاكن تعابيرٍ وفرحه خاطر
في يوم عيدج نبدع الانغام
احب داري وافخر إني منها
ومن حب داره يا عرب ما يلام