يا ليل يا جامع على الود قلبين
لك عاده تجمع قلوب الولايف
قاف تغنومه جميع المحبين
و شلوا طواريقه فروس الشرايف
يوم الهوى يا سعيد له ناس صافين
وكل على محبه محاتي وخايف
واليوم مالي فيه يا احمر العين
جنبت دربه مثل مآ إنت شايف
في عزلتي ما بين كتب ودواوين
أرقى بفكري عن دروب السخايف
على العموم الله يبارك لك امين
في بكره منتوبه من عسايف
فيها من اوصاف الصقور الشواهين
الندر اللي ما يجن غير نايف
سوت سوايا معركه يوم حطين
خلت مضمرها مبسط وكايف
ولا المنافس حطته بين نارين
متعومس وباله حزينن وعايف
يالله عساك تنال أعلى المثامين
وبيعتك تنشر فالورق والصحايف
ومني لبن طحنون ورد ورياحين
اخن وانوج من عطر ورد طايف