خلاص لا يخاطب لسانك لساني
وحتى يدك لا عاد تلمس يديّه
مالك علي حلفان ياكثر ماني
مشتاق لكنّي أكابر شويّه
أسامحك ماهو عشانك تراني
والعفو عند المقدره يا بنيّه
مشكلتي إنّي من غلاها أعاني
ولا أزعل ولو مدّت يديها عليّه
وفي قلبها يمكن يجي حب ثاني
وما عندي مانع لو يكونون ميّه
بس عيبها الطبع فيها أناني
وفي شيطنتها ترفع الضغط فيّه
ترفض يشاركها أحد في حناني
وتقول لي: كلّك ترى غصب ليّه
وتقول: بابا وأشعر إنّه زماني
يضحك وتفقد أرضي الجاذبيّه
وأقول: عيديها من أوّل عشاني
وأجيب لك ويّاي كندر هديّه