لا تسرقين أحلام عمري وتروحين
لا تتركيني للحزن والكآبه
أنا أنتظرتك سيدة حلمي سنين
لا تمتلي عيونك غموض وغرابه
قبل أعرفك وأنتي قبل لا تعرفين
كنّا نتلاقا بالورق والكتابه
صحيح إن الله خلقنا بروحين
لكن ترى أرواحنا إتشابه
حنّا نكمّل بعضنا لو تحسّين
أنا المطر وأنتي جنابك سحابه
كنت أقرا حبّك وأنتي بعيوني تقرين
كنت السؤال وكنتي إنتي الإجابه
الله يا قسوه فراق المحبين
هو يفقد العاشق بقايا صوابه
الحب لا منّه جمع بين قلبين
في كل نبضة حب يكوي عذابه
صحيح يفرق الجفا بين شخصين
بعض البشر ما ينتعوّض غيابه