صباح الورد والفل وخزامى والنفل والشيح
صباحات الشعر واحلى الكلام اللي يقولونه
صباح الزيزفون ولهفة التلميح للتصريح
صباح النور والعطر اللي العشاق يهدونه
صباحٍ يحطب ضلوعي صباح الوجد والتبريح
صباح يعطر أنفاس القصيد ويلهب شجونه
حبيبي والامل مركب عثا فيه الالم والريح
وبحر الياس من خلفه وبحر الخوف من دونه
وربانه غشاه الموج لولاه اكثر التسبيح
وسلَم للقدر روحه وشاف الموت بعيونه
على الله يالغصون اللي من اوجاع الزمان تطيح
يغربلها الزمان بعاصفة هوجا ومجنونة
على الله يالغموض المرتمي في لجّة التوضيح
تدثَر في ثيابه وانصهر في شكله ولونه
أبد محدٍ بجابرني بمكنون الفؤاد ابيح
ولا اخلف نيتي لو كان غيري يخلف ظنونه