دخيل الدمعة اللي حولت بالكحلة من العين
وصارالكحل فوق الخد لوحة فن مرسومة
سواد في بياض وزين زايد زين زايد زين
ترى من ينتحر ف اهداب عينك محدن يلومه
أبد مقوى البكى في ساعة التوديع لاتبكين
أنا وين اتذرّى عن رماح الدمع وسهومه
إليا منّك بكيتي صرت كلمة تحتها خطين
وصرخة غير مسموعة وجملة غير مفهومة
تجرعنا مرار الدهر كاس وبعدها كاسين
واخذنا من حلاها زاد طرقي ليله ويومه
تنازعنا الحلا والمر مدري كيف مدري وين
لكن المعركة للمر معروفه ومحسومة
تقول اصبر واقول اصبر صبرنا!!!طيب وبعدين؟
غفا نجم الأمل في ليلةٍ ظلما ومعسومة!
وكاد العسر بعدة يسر والشدة عقبها لين
ترى الأعمار مكتوبة ترى الأرزاق مقسومة
ياحظ اللي تمسّك بالهداية والتزم بالدين
ويابخت النفوس اللي عن الزلات معصومة