توّجتني بالغلا ياسيّد احبابي
زرعت دربي غرام وروعة وحيرة
يازين حبك قدر وانا لي اسبابي
شف زود حبك على قلبي وتاثيره
غلاك ياقايد الغزلان ماغابي
القلب في كل وقت يجيب لك سيرة
حامت بي اشواقي لدنياكم اسرابي
واستبشر احساسي وقلبي كفخ طيره
تو ابتدينا هوانا طفل ماشابي
اهواك مبدا مناغاته وتعبيره
تعال وقّع بجرحك داخل كتابي
وافتح قفص صدري وطيّر عصافيره
تعال ماودي اشقابك وتشقابي
تعال حب وغرام وشوق لاغيره
اخشى ان شوقي يرمّد وانت الاسبابي
صمتك غموضك صدودك صعب تفسيره
تعال ولّعني ولا تحرق اعصابي
لاتسجن الحب بين الشك والغيرة