وأنا ماني معي ، والفقد وافر
مادام انتي بدونك ، والتقينا
يا بنت الغيم ، وش رايك نسافر
نضيّعنا .. ولا ندّور علينا؟!
نبلِّغ عننا صمت المخافر
نروح اثنيننا نخفي حدينا!
كذا .. شغلات تشبه للنوافر
تطيش .. ونلتهي لو ماإهتنينا
وحنَّا وعينا اللي له اظافر
تمخِّش كل عرق الى نسينا
بلانا همّنا من نوع كافر
بقى في وعينا لو ما بقينا
ووين نروح وجه القَهْر سافر
يوضّحنا ولو عنّا اختفينا
وانا ما بحت لك عن جرح نافر
مادام إنك حكيتي لي .. حكينا
وبعض البوح يشبه دمع طافر
يرْيِح قلوبنا لو ما بكينا!