الأرواح.. تقرا كل ما تكتب الأرواح
تحس ببعضها لا غفت.. تسهر.. وتسهر!
وانا اكتب غلاك الجاي ما اسأل عن اللي راح
من العمر يا اللي بك يكون الغرام أطهر
أحبك واعلقّ ضحكتك داخلي مصباح
لأن السنين اللي بدونك غدت!.. تقهر
كأنك مطر متعلقٍ فالسما ما طاح
كأني جفاف استشعر هطوله.. وأزهر!
من الغيم جيتي.. يا شذا عطرك الفواح
من الجوهر الأنقى إلى الأروع المظهر
تحت شفّتك.. لو شامتك.. فكّرت ترتاح
تعبها من اللي فوقها حسنها يجهر
شفايفك لو زايد شهدها عليها ساح
يجي لابتسام الثغر توقيعه الأمهر
وانا من عرفتك صرت بك عاشقٍ لمّاح
وأنا بك أكون الشاعر الأكثر الأشهر!