الحياة الي تكورنا

الحياة الي تكوّرنا

وتركلنا على مرمى الحزن وتجيب قول!

ما يشجعها سوانا

ولايدربنا سواها

وكلْ ماْ نحاول نبادلها الهجوم

نكون آوت

ويتواصل لعبنا

شوط أول..

شوط ثاني..

شوط ثالث..

شوط رابع..

شوط خامس..

وكل ما ترتد هجمة

للأسف نطلع تسلل!!

الحياة اهداف

والهدّاف من يقدر يراوغ!

أو يسدّد

أو يناول!

أو يسوّي أي حاجة تثبت انه داخل الملعب أساسي!

وآآآه يا الملعب..

جماهيره تصفق..

للبعيد وللقريب وللغريب

والغريب انك تعيش العمر كله وانت تلعب..

ورغم هذا.. ما تفوز!.

الحياة.. إنك تكون!

أو ما تكون...

يا تكون اللاعب الحريّف!!

يا تقضي على الدكّة حياتك!!