إلى متى؟ والليل يطرد ورا الشمس
والى متى؟ والشمس تبعد عن الليل
والى متى؟ والليل يكتب لها همس
والى متى؟ والشمس تنسى المواويل
يا حيرة اللي لا بغى بالهوى لمس
لاقبل ظلام الليل... يرجي المواصيل
وشلون؟ باكر يجتمع مع شقى الأمس
وشلون؟ مسعد يشتكي حبه سهيل
الغيمة اللي منطمس ذكرها طمس
حيه... لها... بالقلب برق وهماليل
لاشفتها.. تقبل علي انعمس عمس
أنسى معاها... جرح ذيك الغرابيل
مجنونةٍ بالشعر.. واحساسها نمس
تعشق إثارة... سيد القاف والجيل
في حبها قلب الشقى منغمس غمس
يرجي... وعودٍ... كلها كذبة أبريل