خضرا خضرا ... صارت خضرا
وانشالت عن قلبا الصحرا
دقت الفرحة ع بوابا
والمية رجعت للمجرى
من إدلب أرض الزيتون
للشام الحلوة ال بتمون
وجارات العاصي ولسويدا
حتى درعا مهد الثورة
من الساحل ... من غربي الديرة
للشرقية عگال الغيرة
إيد بإيد وهمة بهمّة
عم تبني لولادا ... بكرا
والشهبا يا عيني عليها
يلي مزينها ماضيها
وحاضرها رح يبقى أحلى
بزنود الأحرار ال سمرا
إم وجَمَّع حضنا ولادا
غير الحرية ما فادا
بيلبقلا تعمّر أفراحا
وما ترجع تحزن ... بالمرة
واحد واحد ... قلنا واحد
الشعب السوري واحد .. واحد
واليوم انتصرت ثورتنا
هي سوريا حرة حرة