الله اكبر فى ناس كتير العفن ساكن حشاها
اكوام والغل زى البارود ينسف ويفنى اوام
لبسين وشوش الملاك والخبث متخفى والنظرة
منهم تبيد لميت سنة لقدام
الله اكبر على الظالم وع الحاقدين يستكترو النعمة على الصاحب وع التانين واقرب
قريب يحسده ويخوض ف اعراضه وان قولت عيب اختشى تبقى قليل الدين
جربنا كل الحلول نحمى النفوس منهم بخور وجاوى ودكر
والرقوة من عنهم معدش غير معجزة من ربنا المعبود
هو اللى قادر يزيح يارب دمرهم فى ناس كتير ابتلت ومش
نافعها علاج باعت اساس عفشها والدين عذاب محتاج ويعمل ايه
قليل الحيلة فى ديونه والحزن ناقش جبينه والناس
تفكره تاج رثاء جمال مع السلامة ياجدع
سلم لى ع الٱحباب وقولهم صاحبى فوته لماانتظرته وغاب
لا عرفت ٱودع حبايبى ولا ٱقول لهم سلامات
والموت واقف منتظر علشان يرد الباب خلفت
ليه الميعاد وسبقت ف المشوار طول
عمرنا ف الطريق صحبة وسكن ف الدار طب كنت قولى ٱلحقك ٱو
حتى شاورلى زى ماكنا زمان فى شلة المعمار خمسين سنة ياجمال
لالٱ يزيد ياما ف الغزبة ٱو ف البلد والدنيا دوامة مافرقتتيش
ياجمال ٱو خلفت ميعاد وقولنا نفضل كدا لحد يوم القيامة
كنت الصديق الصدوق والٱخ والصاحب والجدعنةتعشقك عمرك صاحب واجب إيديك
بتسبق جميع الخلق لو لله وكأن توب الشهامة لك
بس تتعاجب سلم لى على سبق وقولهم ٱنا جاى
لسة ف حسابى يادوب تكة ورشفة شاى
إذا كنت ٱخر صديق لسالى وفارقنى إزاى
أحس الحياة قولى ياصاحبى إزاى