يا ماجد اعزف لي بعودك مقادير
في داخلي هرج غزيرٍ بقوله
باخذ على عزفك دروب ومشاوير
همٍ نزل بالقلب وابطى نزوله
ماهدني وأنا صبيٍ من مطير
واحد وتغني عن قبيله فعوله
لكن أبي اسوق السحب والتباشير
واسبل مطر كم من تمنى هطوله
شاعر وأصوغ القاف وأهيم وأطير
مع شردٍ حلوة ملامح جفولة
وأنا سمعت لحونك وجيتك مغير
اورحت عود وجيت أبي منه توله
عثى بي الوقت العسر دون تبرير
خذا معي بالجور صولة وجولة
اخذ بقلبي كعب.. ركبه وتمرير
وشوته وصاب بغبة الظلم قوله
من يوم أنا طفل على وقته صغير
ذاق العنا وهو بسن الطفولة
ياقو ظلمه آآه.. ليه المعاذير
تبقى على بيبان فمه خجولة
ليه الأذى منه يجي بالقناطير
وخيره قمر ماسرع علينا أفوله
كافي ألم ودي بأمل زاهرٍ مير
أمل ننير به المقادير حوله
أعزف يا ماجد غن.. وارض الجماهير
وأخذ على الحزن ودروبه عمولة
وأنا ابودعك تصبح على خير
للحب دار وللمجاريح دولة