يا صاحبي جيتك وأنا مستحي منك
وأبيك تفزع لي باجازة قصيرة
أبوي قال بماضي الوقت … مزبنك
لأهل الوجيه الوافيات السفيرة
وانت وفي والطيب دارك ومسكنك
ودايم على هذا الرتم والوتيرة
يا صاحبي..تكفا عسا الله يامنك
يومين تفرح قلب أخوك وتنيره
بعد الاجازة والمعاليق يرجنك
البال فيه غاديٍ في هجيره
في اخر أكتوبر ولجمالتك بنك
لا تحسبن اللي زرعته ثريره
جيتك شره وأبيات شعري بعد جنك
طمعا بفزعة طيبين السريرة