يوم قلبي للمشاعر إستجاب
أشعلت ذكراه في صدري حريقة
أحرقت نار الغلا زهر الشباب
ماتت غصونه عقب ماهي وريقة
يا خفوقي ليمتى تطرد سراب
من شقا بالحب يتعب في طريقة
آآآه، يا دنيا التعاسة والعذاب
ما تهنيت،، بحياتي لو دقيقة
ماصفا وقتي معي ساعة وطاب
ساهرٍٍ الليل ودموعي غريقة
أنهكت حالي،، معاذير العتاب
لي شهورٍ أنتظر منه الحقيقة
كيف يقنعني،، بصدّه والغياب
وكيف يقنع إن هجره ما أطيقة
مارحم دمعٍ مثل وبل السحاب
في العيون اللي على شوفه شفيقة
ويل من قلبه على المجمول ذاب
والقدم عن روحته شيءٍ يعيقه